Borgarmálaráðstefna VGR var haldin laugardaginn 4. september síðastliðinn að Suðurgötu 3. Ráðstefnan var vel sótt og fjörugar umræður spunnust um málefni borgarinnar. Staðan var tekin á málefnum innan 8 helstu ráða borgarinnar. Málefni Orkuveitu Reykjavíkur fengu jafnframt umtalsverða umfjöllun á fundinum. Ráðstefnugestum eru þakkaðar málefnalegar og gagnlegar umræður.

Eftirfarandi málaflokkar verða á dagskrá ráðstefnunnar:

Borgarráð, Sóley Tómasdóttir

Íþrótta- og tómstundaráð, Hermann Valsson

Velferðarráð, Þorleifur Gunnlaugsson

Menningar- og ferðamálaráð, Davíð Stefánsson

Hverfaráð, Garðar Mýrdal

Hlé 14:30-14:40

Menntaráð, Líf Magneudóttir

Skipulagsráð, Sóley Tómasdóttir

Umhverfis- og samgönguráð, Þorleifur Gunnlaugsson

Mannréttindaráð, Elín Sigurðardóttir

Félagsmenn eru hvattir til að mæta og taka virkan þátt í umræðum um borgarmálin. Kaffi og te á staðnum.

Föstudagur 25. júní
17.00: Setning flokksráðsfundar, kynning ályktana og starfshópa. Yfirlit yfir úrslit sveitarstjórnarkosninga og myndun meirihluta.
17.30: Starfshópar taka til starfa.

-Sveitarstjórnarmál
-Flokksstarfið
-Endurmótun Íslands

19.30: Kvöldmatur
20.30: Almennar stjórnarmálaumræður.
22.30: Starfshópar taka að nýju til starfa.

Laugardagur 26. júní
9.00:    Stuttar kynningar starfshópa og framhald almennra stjórnmálaumræðna.
12.00: Hádegisverður.
13.00: Kynning á Rannsóknaskýrslu Alþingis og aðgerðum í kjölfar hennar. Erindi og fyrirspurnir.
14.00: Afgreiðsla ályktana.
15.00: Fundi slitið.

Skipulag fundar: Fundarmenn eru beðnir um að skila ályktunum tveimur dögum fyrir fund eða 23. júní til framkvæmdastýru flokksins. Áhersla er lögð á að flokksráðsfundi er ekki ætlað allsherjar stefnumótandi hlutverk ólíkt landsfundi en hins vegar er ætlunin að halda sérstakt málefnaþing Vinstrihreyfingarinnar-græns framboðs í haust þar sem fjallað verður ítarlega um málefnastöðu flokksins og framtíðar stefnumótun. Er það hugsað sem upptaktur að landsfundi sem haldinn verður 2011.

Skráning: Félagar þurfa að skrá sig til fundar fyrir 22. júní með því að senda línu um það til skrifstofunnar á netfangið vg@vg.is eða hafa samband í síma 552 8872.

Ferðakostnaður: Flokkurinn greiðir ferðakostnað ef ferðast er með sem hagkvæmustum hætti.

Útilega: Farið verður í útilegu á gosstöðvarnar í framhaldi af flokksráðsfundinum og gist í eina nótt. Skipað verður þétt í einkabíla og grillað saman um kvöldið. Nánari kynning verður haldin á flokksráðsfundinum en nauðsynlegt er að greina frá mætingu í ferðina fyrir 22. júní og segja þá jafnframt frá því hvort það sé laust pláss í bíl eða hvort óskað er eftir fari.

Kosningaáherslur Vinstri grænna í Reykjavík

Forgangsmál Vinstri grænna í Reykjavík á kjörtímabilinu

Sjálfboðaliðar og frambjóðendur létu ekki almennt kunnáttuleysi stöðva sig og fengu faglega ráðgjöf frá garðyrkjumanninum og landslagsarkitektnum í hópnum. Útkoman var yndisleg eins og sjá má af myndunum hér að neðan.

Þessi rángarðyrkja vakti verðskuldaða athygli og straumurinn í kosningamiðstöðina að Suðurgötu 10 jókst umtalsvert – enda var þar að finna nýsteiktar pönnukökur og heitt kaffi.

Í kvöld fer líka fram undankvöld Júróvisjón þar sem Hera Björk syngur fyrir okkar hönd. Í kosningamiðstöð okkar að Suðurgötu 10 verður því boðið upp á ljúffengan málsverð og góða sam-Evrópska skemmtun af allra bestu gerð.

Fjölmennum – borðum vel og eigum góða stund saman.

Hér má sjá hollenska kjötbollusúpu.

Kosningamiðstöðin er á Suðurgötu 10, 101 Reykjavík. Gult hús – vel merkt – fjórða frá horni.

Þorleifur Gunnlaugsson borgarfulltrúi VG talaði fyrir tillögunni en borgarráð samþykkti nýlega tillögu hans um viðamikla rannsókn á stjórnsýslu, stjórnkerfi, og aðkomu stjórnmálafólks,að fjárhagslegum ákvörðunum á undanförnum árum.

Nefndinni ber að rannsaka hvort gætt hafi verið eðlilegrar hlutlægni og heiðarleika í þeim afskiptum og  hvort einstakir aðilar eins og verktakar, bankar og fyrirtækjasamsteypur hafi fengið óeðlilega fyrirgreiðslu og hvort fjársterkir aðilar hafa beint eða óbeint haft áhrif á pólitískar ákvarðanir og stjórnsýslu borgarinnar og hagnast á tengslum við hana.

Jafnframt þessu á nefndin á að kanna hvort einstakir embættismenn, borgarfulltrúar eða frambjóðendur til borgarstjórnar  hafi hagnýtt sér persónulega eða í þágu síns flokkstengsl við fjársterka aðila sem hafa átt í viðskiptum við borgina.

Í framhaldi á þessu á nefndin að koma með ábendingar og tillögur að breytingum á reglum, vinnubrögðum og skipulagi stjórnsýslu borgarinnar.

Nefndin á að taka til starfa um næstu mánaðarmót  og skila verki sínu fyrir áramót.

Sóley Tómasdóttir borgarfulltrúi Vinstri grænna telur mikilvægum áfanga náð í að efla borgaralýðræði. Hún segir að það skipti miklu máli að raddir borgarbúa heyrist og þeir séu virkir í að móta umhverfi sitt og umræðuna um borgina. „Við verðum öll að leggja okkar af mörkum og vera virk í samfélaginu og umræðunni. Þessir fundir eru góður vettvangur skoðanaskipta og til að auka enn frekar áhrif og aðkomu Reykvíkinga að málum sem þeim eru hjartfólgin. Þeir eiga vonandi eftir að vinda upp á sig og sanna mikilvægi sitt,“ segir Sóley Tómasdóttir að lokum.